ਮੇਰੀ ਮਾਂ ਦਾ ਜਾਇਆ

ਹਰ ਸੁਪਨਾ ਲੀਰੋ ਲੀਰ ਹੋਇਆ |

ਓਦੀ ਯਾਦ ਚ ਪੋਟਾ ਚੀਰ ਹੋਇਆ |

ਇਕੋ ਸੀਗਾ ਮੇਰੀ ਮਾਂ ਦਾ ਜਾਇਆ

ਇਕੋ ਸੀਗਾ ਮੇਰੀ ਮਾਂ ਦਾ ਜਾਇਆ

ਓਵੀ ਕੰਧ ਤੇ ਲੱਗੀ ਤਸਵੀਰ ਹੋਇਆ |

ਹਰ ਸੁਪਨਾ ਲੀਰੋ ਲੀਰ ਹੋਇਆ

ਹਰ ਇਕ ਪਲ ਕੰਡਿਆਂ ਵਰਗਾ ਲੱਗਦਾ ਏ

ਹਰ ਇਕ ਪਲ ਕੰਡਿਆਂ ਵਰਗਾ ਲੱਗਦਾ ਏ

ਤਾਂ ਅੱਧ ਮੋਇਆ ਅੱਜ ਸਰੀਰ ਹੋਇਆ |

ਹਰ ਸੁਪਨਾ ਲੀਰੋ ਲੀਰ ਹੋਇਆ

ਓਦੀ ਯਾਦ ਚ ਪੋਟਾ ਚੀਰ ਹੋਇਆ |

ਹਰ ਕਵਿਤਾ ਦੇ ਵਿੱਚ ਵਾਸਾ ਉਸਦਾ

ਹਰ ਕਵਿਤਾ ਦੇ ਵਿੱਚ ਵਾਸਾ ਉਸਦਾ

ਜਿਵੇਂ ਮੇਰੇ ਲਈ ਮੇਰਾ ਫ਼ਕੀਰ ਹੋਇਆ |

ਹਰ ਸੁਪਨਾ ਲੀਰੋ ਲੀਰ ਹੋਇਆ

ਓਦੀ ਯਾਦ ਚ ਪੋਟਾ ਚੀਰ ਹੋਇਆ |

ਉਦਾਸ ਚਿਹਰੇ ਤੇ ਆ ਨੱਚਣ ਖੁਸ਼ੀਆਂ

ਉਦਾਸ ਚਿਹਰੇ ਤੇ ਆ ਨੱਚਣ ਖੁਸ਼ੀਆਂ

ਜਿਵੇਂ ਖਲੋਤਾ ਵੇਖ ਮੇਰਾ ਵੀਰ ਹੋਇਆ |

ਹਰ ਸੁਪਨਾ ਲੀਰੋ ਲੀਰ ਹੋਇਆ

ਓਦੀ ਯਾਦ ਚ ਪੋਟਾ ਚੀਰ ਹੋਇਆ |

'ਦਰਦੀ' ਲਿਖਦਾ ਦੁੱਖ ਕਿਸੇ ਭੈਣ ਦਾ

'ਦਰਦੀ' ਲਿਖਦਾ ਦੁੱਖ ਕਿਸੇ ਭੈਣ ਦਾ

ਭਾਈ ਜਿਸਦਾ ਜਿਸ ਤੋਂ ਅਖੀਰ ਹੋਇਆ |

ਹਰ ਸੁਪਨਾ ਲੀਰੋ ਲੀਰ ਹੋਇਆ |

ਓਦੀ ਯਾਦ ਚ ਪੋਟਾ ਚੀਰ ਹੋਇਆ |

ਹਰ ਸੁਪਨਾ ਲੀਰੋ ਲੀਰ ਹੋਇਆ |