Untitled

ਸਤਿਨਾਮ ਸਤਿਨਾਮ ਬੋਲ ਓ ਬੰਦਿਆਂ

ਵਾਹਿਗੁਰੂ ਵਾਹਿਗੁਰੂ ਬੋਲ।

ਇਸ ਮੰਦਿਰ ਦੇ  ਨੌਂ ਦਰਵਾਜ਼ੇ,

ਜਿਸ ਦੇ ਵਿੱਚ ਧੁਨ ਅਨਹਦ ਵਾਜੇ।

ਲੱਭ ਨਾ ਰੱਬ ਨੂੰ ਬਾਹਰੋ ਜਾ ਕੇ,

ਉਹ ਤਾਂ ਤੇਰੇ ਕੋਲ੍ਹ।

ਸਤਿਨਾਮ ਸਤਿਨਾਮ ਬੋਲ ਓ ਬੰਦਿਆਂ

ਵਾਹਿਗੁਰੂ ਵਾਹਿਗੁਰੂ ਬੋਲ।

ਰੰਗ ਕੁਦਰਤ ਦੇ ਸੱਭ ਤੂੰ ਮਾਣੇ,

ਫਿਰ ਵੀ ਨਾ ਕਾਦਰ ਨੂੰ ਜਾਣੇ।

ਉਹ ਤਾਂ ਤੇਰੇ ਅੰਦਰ ਵੱਸਦਾ,

ਦੇਖੀਂ ਬੂਹਾ ਖੋਲ੍ਹ,

ਸਤਿਨਾਮ ਸਤਿਨਾਮ ਬੋਲ ਓ ਬੰਦਿਆਂ

ਵਾਹਿਗੁਰੂ ਵਾਹਿਗੁਰੂ ਬੋਲ।

ਦਵਿੰਦਰਾ ਪਾ ਲੈ ਨਾਮ ਦਾ ਗਹਿਣਾ,

ਬੈਠ ਸਦਾ ਨਹੀਂ ਜੱਗ ਤੇ ਰਹਿਣਾ,

ਪਸ਼ੂ ਮਰੇ ਤਾਂ ਸੱਭ ਕੁਝ ਵਿੱਕਦਾ,

ਤੇਰਾ ਨਹੀਂ ਕੋਈ ਮੋਲ ,

ਸਤਿਨਾਮ ਸਤਿਨਾਮ ਬੋਲ ਓ ਬੰਦਿਆਂ।

ਵਾਹਿਗੁਰੂ ਵਾਹਿਗੁਰੂ ਬੋਲ।