फूल फूल्यो आँगनीमा

फूल फूल्यो आँगनीमा मगमग चल्यो बासना ।

रिसाएको मात्र देख्छु कहिले काँही हाँस्ने गरन ।

माया कहिले काँही हाँस्ने गरन ।

ए माया कहिले काँही हाँस्ने गरन ।

फूल फूल्यो आँगनीमा ....

रिसाएको तिमीलाई पटक्कै सुहाउँदैन,

मलाई पनि धरोधर्म फकाउन आउँदैन ।२

माया फकाउन आउँदैन ।

रिस मार्न अब तिम्रो के पो गरुँ विन्ति भनन ।

जोकर बनि दिउँकि बरु तिम्रो शरण परूँ भनन।

माया तिम्रो शरण परूँ भनन ।

ए माया तिम्रो शरण परूँ भनन  ।

फूल फूल्यो आँगनीमा ....

भन्छन धेरै रिस गरे आफैलाई हानी गर्छ,

तिम्रो लागि यो ज्यान पनि मर्न तयार हुन्छ ।२

माया मर्न तयार हुन्छ ।

हाँसी खुशी जिउनु पर्छ रिसराग कहिले नगर्नु ।

भरोसा छैन जिन्दगीको खुशीमा सँधै रमाउनु ।

माया खुशीमा सँधै रमाउनु ।

ए माया खुशीमा सँधै रमाउनु ।

फूल फूल्यो आँगनीमा ....