Bakit Ako?

Bakit? Ang tanong minsa’y aking nasambit

Nagmuni-muni kung anong mayro’n sa ‘king sarili

Sa ‘kiy wala namang ‘spesyal

Ako’y wala ring maipagyayabang

Hindi rin maputi

Itsura ko’y pangkaraniwan

Yaman ako’y wala

Hindi rin katalinuhan

Ano bang sa ‘kiy nakita?

Bakit ako? Bakit ako nga ba?

Ngunit wala man ako ng meron sila

Tapat ang puso ko sa ‘yo sinta

Wagas na pag-ibig kaya kong ibigay

Hinding-hindi sa ‘yo wawalay

Lahat ay kaya ko para sa ‘yo mahal

Sasamahan kita sa ‘yong lakbay

Tatabihan ka tuwing gabing mag-isa

Ipagluluto ka ng paborito mo

Patatawanin ka sa abot ng kaya ko

Sundo’t hatid sa trabaho mo

Ipaglilinis ka ng ‘yong kwarto

Andito lang ako pangako ‘yan

Hangga’t kaya ko, ako’y sa ‘yong sa ‘yo

Tanong ko’y may kasagutan na

Ika’y sa akin, ako’y sa ‘yo sinta

Ang bakit man ay may liwanag na

Ang malabo ay malinaw na

Eto ako, para sa ‘yo

Hinding-hindi magbabago

Tayong dalwa’y para sa isa’t-isa

Bakit ako? Dahil mahal kita…