Bulong sa hangin

Verse 1

Ang mundo’y puno ng kwento, lahat gustong magsalita

Naghahanap ng karamay sa gitna ng nagmamadali

Iba’t ibang buhay ang dumaraan, iba’t ibang tinig ang sabay

Ngunit bakit sa likuran naririnig

Ang salitang dapat sa harap ibinibigay?

Verse 2

Hindi ko alam kung bakit sila’y nagtitipon

Para buhay ng iba ang gawing pahina ng usapan

Alam kong lahat tayo’y may pasan na bigat at luha

May mga sugat na di nasasabi, di nakikita ng mata

Ngunit mas masakit ang tama

Kapag ang minsang pinagkatiwalaan

Ay siya ring unang bumitaw

At sumaksak mula sa aking likuran

Chorus

Sa aking likuran, ang daming kwentong nabuo

Mga bulong sa hangin na unti-unting naglaho ang totoo

Akala nila’y kilala nila ako, ako raw ang bida sa dula

Habang ang tsismis ay lumalalim, nalulunod ang katotohanan

Sa aking likuran ako’y ipinagpalit, ipinagkanulo, isinuko

Pininta ng kanilang salita ang buhay na hindi ko pinili

Bridge

Kung may lakas ka ring humusga

Sana may tapang kang humarap

Ako’y tao ring marunong masaktan

Hindi kwentong pwedeng ipasa’t ipagbenta

Ako’y ako pa rin sa kabila ng lahat

Isang pusong tahimik na patuloy lumalaban

Outro

Kung may usapan man tungkol sa akin

Sana’y sa harap, hindi sa dilim

Dahil sa katahimikan ko natutunan

Na hindi lahat ng bulong ay katotohanan

Refrain

Bulong sa hangin, Bulong sa hangin

Masakit pa sa puwing ng aking mata

Bulong sa hangin, bulong sa hangin

Malala pa sa taong walang pinag aralan