Untitled

كنتي ياعروسة أفتية

كي توب أبيض

قبل من أوساخو

كنتي محروسة بالنية

طول وعرض

والولف أمثين فرساخو

عليك سطور وغنية

ياللي نتي أجمل أرض

ولجدود فحروبك أشماخو

كنتي ورقة أنقية

أقبل البغض ما ينشر أمساخو

وليتي بالتسبيح عكَوز أتقية

صار المسيح راقد أو عز أفراخو

كنتي بالشان أمزية

عليك راح الحظ

ومواليك فهولك داخو

كنتي يابنتي وردة

فحجم زين الفدان

حرقوك

سرقوك

فرقوك

ظلم إيدين المُدان

كنتي يامدينتي سرج

زوقناه

تدوقناه

تسوقناه

أقبل ماتطيح المنظورة

تتحط فنعش محضورة

غدرونا فأول دورة

فضي لغروب تلينا غرّابة

أرزينة من طين أغريب

ندوق حر وضيق لشراد

في أمة عديمة لرشاد

كيف وجهك علينا سّاد

كيف سيفك مسلول أو حّاد

يا أرزينة من طين أغريب

جينا من السلالة

جينا من زمان منظوم

العين عمية والحرف بقسامو

خلينا عليك من الدلالة

والقلب المسموم

خلينا فالبدية ورق بلا رسامو

غطينا بالثواب خير بلالوم

من منظر لفجر يعطي أحكامو

يارزينة من طين أغريب

أشكون يدخل بحورك يعرف العوم

شكون ماشرب من كيسان أندامو

وصاب حبيبو يصغى للقوم

وينزّل الصراحة من أكلامو

العلة ساكنة والرحيل معلوم

ولزّال الضمير راكب خشبة من أحلامو