Ifni destination

عشت بين حبابي غريب

من صغري نجري ورا اللعاقة

الحالة حالة وديما البحث عالحبيب

سمحولي الحبيب مات اودابا بغيت نعمر الجيب

كبرت فرمال افني

نسرح بين حويزة والشيخ

راس مالي كانتشو وموليني وقصبة الذيب

خلوني خلوني خلوني

خلوني نحكيلكوم قصة كل افناوي شابع غبينة

بعنا التوتيا والقراعي

شبعنا غباري فالسوق لمكوز

كارديرا لحبيبة مات زمانها

فديك الدلالة رزقنا مكتوب علينا

باش فدارنا نفرحو البعيد والقريب

والدينا تعبو علينا

فالسربيس والصحاري مع الافاعي

محاربين مع جوار السوء من شحال هادي

ربحنا حروب وحروب مازال مابدينا

الرمال وامكالا حاملينها في قلوبهوم طوالا

كبرنا روحنا برواحنا والرضى رفيق هوانا

طحنا ونضنا وفقنا وتشوكينا

رجعو الناس للمعاش ولقاونا مكابلين المكانا

خلوني خلوني خلوني

افني يازينة لمدون

حبيتك كيما حبيت لميمة

خلوني خلوني خلوني

نبكي على زهري وعلى رايي كيف كل مغترب وجدو ليه مكيدة اللي جا يحكم ناس واللي مزال ايشاور فينا

حكمونا كبار لكروش صحاب شكرا خرجوعلينا

الفقر غول يخلي البعض يركب السفينة

خونا لبلاد لولا الجواد حاضيين لينا لمدينة

افني جات بين لجبال طالة على شاطىء لمدينة

لك الله يا سانتاكروز نتمنا نولي ليك نتينة

نشوفو شبانك ابطال كيما كانو فاليام الزينة

رحمتك يالله على اللي غادرو هاد الارض

ربي يكون ليهوم غفار ياربي ديما

خلوني خلوني

خلوني نخوي صاكي بحال ديك الي باغا تماكي لهبيلة

افني يازينة لمدون

حبيتك كيما حبيت لميمة

خلوني خلوني خلوني

نبكي على زهري وعلى رايي كيف المغترب الي وجدو ليه مكينة

خلوني خلوني خلوني

نصلح شواري ونجي ندي لمدينة

نحطها فمكانها فديستريت اللي يليق بيها

ا