Noah me fal biri im

Zemra Ime, Më Fal

Kur mora vesh se Zoti po ma falte ty,

zemra ime nuk dinte si të gëzohej më shumë.

Çdo ditë numëroja javët, çdo javë muajt, duke ëndërruar çastin.

Kur do të të përqafoja ty biri im

e do të ndjeja aromën tënde për herë të parë.

Noah Në çdo lutje shihja fytyrën tënde,

ishe mrekullia që prisja me padurim.

Kur erdhe në jetë,

Buzëqeshja jote më dha një jetë të re.

Premtova se do të të mbroja nga çdo e keqe...

Por nuk e dija se fati do të na sfidonte kaq fort.

Pastaj erdhi ajo ditë...

Një dhomë spitali... një heshtje që na vrau.

Doktorët na thanë se kishe sëmundje të rënda,

dhe në atë çast zemra jonë u copëtua.

Bota jonë u shemb para syve tanë,

luteshim të ishte vetëm një makth.

Prisnim të zgjoheshim nga ajo ëndërr e keqe...

Por jo... ishte realiteti ynë.

Sa herë të kam parë të vuash,

kam qarë fshehur që të mos shihje lotët e mamit.

Kam buzëqeshur vetëm që ti të mos kishe frikë,

ndërsa brenda meje gjithçka bërtiste nga dhimbja.

Do të jepja jetën time pa u menduar,

vetëm që ti të mos ndjeje më asnjë dhimbje.

Nëse do të mundesha, biri im,

do ta merrja unë sëmundjen tënde.

Do t'i lutesha Zotit çdo ditë,

të ma falte mua çdo plagë tënden.

Vetëm ti të ishe i shëndetshëm,

të vrapoje, të qeshje, të jetoje si çdo fëmijë.

Edhe kur shpresa duket se largohet,

unë nuk do të dorëzohem.

Dora ime nuk do ta lëshojë kurrë dorën tënde.

Do të jem pranë teje në çdo hap.

Sepse ti nuk je vetëm djali im...

Ti je fryma ime

Ti je zemra ime që rreh jashtë trupit tim.

Dhe derisa zemra ime të pushojë së rrahuri,

do të luftoj për ty,

do të lutem për ty,

do të besoj për ty.

Të dua më shumë se jetën, biri im...

Dhe nëse dashuria e një nëne do të mund të shëronte,

ti do të kishe qenë fëmija më i shëndetshëm në botë.

Zemra ime. më fal që nuk mund ta marr dhimbjen tënde.

Por premtoj se nuk do të të lë kurrë vetëm.

Sa të kem frymë. do të jem pranë teje.

Përgjithmonë.