سكة سفر

نفس الطريق .. والذكريات

بس المكان كِبر سنه عن ما كان

عديت هِناك... وطول الطريق

ناخد وِ نِدّي دَندَنا في الكلام...

سِكِت سفر بس الرَفيئ أصبَح مَطَر ....

ونور عواميد تِنطِفي لِحُزني وِ لوحدتي

يا سْكِتي يالي شاهدَهْ ع الوعود .

أشَهِّدك مِسافر لوحدي مش هعود..

انا لسه واحِشني صوت ضحكَهْ ......... وإسمي لما تِندهلي

وكلامنا للنِجمَا من إمتى وتقوللي........... كفايا تسمَحلي

ولسه واحِشني اعيش كِدبهْ .. علي جَرحي أتمَشَّى علي مهلي

ما خَطَرشي في بَالي علي فِكرَهْ... لو أنسَاكي أريَحلي

دا صوتك كان بيندَّهلي في عِز الليل في غيابي

مافيش أسباب تريَّحني دَفَنت في قلبي أسبابي

نفس الطريق والذكريات بس المكان كِبِر سَنَه عن ما كان

أنا لسه فاكر كلمتي ووعدي مهما تبعِدي ..

يمكن حياتِك تبتدي لو بس ماكُنَّاش سوا

ما بَلوْمشْ موج بَحرِك حَدَفْ.... قلبي لِبَر مافيهوش شَغَف

انا لومت قلبي الي ارّتَجف لو مس طرفك الهوا

وحكايه ترسم في السما.... طريق قديم عني إتمَنَع

فَسدَّئيني ده مش غُنا ..... ده الي بائي من وجع

دا صوتك كان بيندهلي في عِز الليل في غيابي

مافيش أسباب تريَّحني دَفَنت في قلبي أسبابي

و نفس الطريق والذكريات بس المكان كِبِر سنه عن ما كان