O Moemitiga sa lua fatufatu

Sa lua ta’o’oto i ni moemitiga

Ae alafa’i i taumafaiga

Se meaai ma se pasese mo au i le aoga

Aua e te lua le manana’o ou te fa’asisila

Taumafaiga o le faatoaga ma mea fafaga

Aua se sailiga o se ataata lelei o mafaufauga

Ua ou inu i le lua moemitiga

Ae ua fuli mai lua tua ma le fiafia

O le a ou taumafai e tusi i lo’u loto

Le lua faataitaiga ma le lua taumafaiga

Ua na’o se faalifu ma se ipu koko

Ae sa maua lava le fiafia o le loto

Ae o lua foliga vaaia sa atagia ai le loto momomo

Ae sa natia lava le naunautaiga i le loloto

Ao lenei ua puaina mai i le malama le fatu sa lua totō

Ua ou inu i le lua moemitiga

Ae ua fuli mai lua tua ma le fiafia

O le a ou taumafai e tusi i lo’u loto

Le lua faataitaiga ma le lua taumafaiga