Panoh

Seni eslaganda kelar dilimga ,

Tomchilardek tiniq , mayin xayollar .

Gohida quvonib oʻzim - oʻzimga

Beraman gʻalati , ajib savollar .

Tunlari qaygʻular ichida qolib ,

Toʻyib yigʻlagancha jim qolganimda .

Uyquni eltasan kipriklarimga ,

Yupatasan meni tin olganimda .

Mehringni sezaman shunda nogahon ,

Sen borsan sira ham chekmayman ozor .

Doimo yoʻlimni yoritib tursang ,

Men baxtli yashayman , gʻamgin , dilafgor .

Mehringdan doimo boʻlib umidvor ,

Sinovdan ham hikmat koʻzlayveraman .

Kun kelib , lablarim qurib qolsa ham ,

Toʻqson toʻqqiz isming soʻzlayveraman...