Mabuhay Ka, San Jose! (SJES Hymn)

Aming sintang paaralan, duyan ka ng kagitingan

Nagsisilbing tahanan ng bawat kabataan

Sa iyo kami'y taos pusong nagpupugay

Sa bawat nakamit na tagumpay.

Taglay mo ang pagiging maka-Diyos

Sa damdamin at puso kami’y naging lubos

Naging maka-Tao ang aming mga kilos

Isinasapuso ang mga wastong utos.

San Jose, mahal naming paaralan

Ikaw ang nagsisilbing tahanan

Humuhubog sa mga kabataan

Tungo sa maaliwalas na kinabukasan.

Pagmamahal sa kalikasan at kapaligiran

Ang sa ami’y iyong ipinaalam

Pag-ibig sa lupang tinubuan

Ikarangal ang ating Inang Bayan.

San Jose, mahal naming paaralan,

Kailan ma’y hindi ka namin malilimutan

Dala namin ang matamis mong pangalan

Saan mang dako ang aming mapuntahan.

Mabuhay ka, mahal naming paaralan!