Untitled

Jan 1:1-13

O kòmansman, Pawòl-la té ja la. Pawòl-la té épi Bondyé, é Pawòl-la sé té Bondyé menm.

I té la o kòmansman épi Bondyé.

Tout biten fèt pa-y, é san li, pa ni ayen ki fèt ki fèt.

An li té ni lavi, é lavi-lasa té limyè a moun.

Limyè-la ka kléré an tenèb, mé tenèb-la pa trapé-y.

Té ni on nonm Bondyé té voyé, non a-y sé té Jan.

I vini kon témwen, pou rann témwanyaj asi Limyè-la, pou tout moun sa kwè gras a-y.

I pa té Limyè-la, mé i té la pou rann témwanyaj asi Limyè-la.

Sé té vré Limyè-la, limyè ki ka vin an mond-la pou kléré tout moun.

I té an mond-la, mond-la té fèt pa-y, mé mond-la pa konnèt li.

I vini koté a-y menm, mé sé moun a-y pa résèvwa-y.

Mé tout moun ki résèvwa-y, tout sa ki kwè an non a-y, i ba yo pouvwa vini timoun Bondyé.

Yo pa fèt ni pa san, ni pa volontè a lachè, ni pa volontè a on nonm, mé yo fèt a Bondyé.

Ségnè, béni tout moun ké kouté mizik-lasa an kréyòl,

ba yo lapé, lanmou é fòs.

Pou tout sa ki ouvè kè a yo,

kè bénédiksyon a-w rivé asi yo.