Ifni BLA VISA

انا ولد سيدي إيفني و مغريبي يا مسؤول

لكن باسطا عينينا دابا فسبنيول

و إيفني في القلب توجور

وراق البلاد في الروح ماشي في فيزا و باسپور

الحق جاي و دابا الأيام عليكم تدور

فين هي سبتة و مليليا؟

فين هي الجزر الجعفاريا؟

فين هي الأندلس

و مالاگا و شبيليا؟

فين هي تندوف

و لحمادة و جديريا ؟

نتا فلمغريب سوبير وزير

و واكل غلة لبلاد و عندك منها خير

نتا يا مسؤول فلحوكوما

ماشي عليك زعما حشوما

نتا و شحال من موظف و رئيس

و تادير راسك ضد التجنيس

ياك ؟

أنتوما

عليكم حلال وراق السبنيول و لفرنسيس

غير نتوما

و كلام كثير و خاويا فعامرا بلا تبرير

و علينا حنا

يا مولانا يا قادير

كتقولوا حرام و خيانا على شعب الله الفقير

هاك بلاك

راه عيينا

الوطنية و الموت و التضحية لينا

أو خير لبلاد حقنا فيه تما راه سالينا

حنا .....

حگرتونا

و عذبتونا

حتى فوراقنا يا ما تهمتونا

و حلال غار عليك انت و ولاداك

خير لبلاد و وراقها و وراقاك

هاك بلاك

يا مسؤول

راه عييتونا

وااا يييه أنا مغريبي و لكن عينينا

دابا فسسسبنيول

و يلا ما ديماريت اليوما غدا ن شاء الله غادا ترول

انا ولد سيدي إيفني و مغريبي يا مسؤول

لكن باسطا عينينا دابا فسسبنيول

و إيفني في القلب توجور

وراق البلاد في الروح ماشي في فيزا و باسپور

الله الوطن الملك

ديما مغرب