Hawak ng Dilim

"Hawak ng Dilim"

Sa pangakong bituin, tayo’y naniwala

Ngunit anino ng kahapon, muling bumalot sa bansa

Mga bayani’y tinuring na taksil

Kasaysayan binura, tayo’y pinaikot lang muli

Sino ang tunay na may malasakit?

Sino ang nagdala ng liwanag sa paligid?

Ngayo’y tinatapakan, dinudurog ang tinig

Ng sinumang lumaban, sino ba’ng mananatili?

Hawak ng dilim, ang ating bayan

Pilit kang tahimik, ‘pag ika’y lumaban

Mga pangako, naging kasinungalingan

Hawak ng dilim, tayo’y pinagkaitan

Noon ay matatag, may tapang, may dangal

Ngayon ay tinutugis, hinahatulan ng asal

Ang nagsilbi’t lumaban para sa masa

Ngayo’y pinupuna, dinadapurak ang gawa

Sino ang tunay na nagmalasakit?

Sino ang nagtanggol sa bayan ng pilit?

Ngayo’y ginugupo, nililigaw ang isip

Ang hustisya’y nawala, kasinungalingan ang nakaukit

Hawak ng dilim, ang ating bayan

Pilit kang tahimik, ‘pag ika’y lumaban

Mga pangako, naging kasinungalingan

Hawak ng dilim, tayo’y pinagkaitan

Ngunit hindi tayo magpapatalo

Mata’y muling ididilat sa totoo

Ang katotohanan ay di kayang itago

Mula sa kamay ng mga mapanlinlang na trono

Hawak ng dilim, ngunit ‘di magtatagal

Dahil sa apoy ng bayan, ‘di na kayang pigilan

Sa bawat luha, sa bawat sugat

May bagong umaga, ating ipaglaban!

Hawak ng dilim, ngunit tayo’y babangon

Ang bayan kong mahal, kailanma’y ‘di luluhod