Untitled

1. Ban peit ban iohi wow la nang i phylla, Haka rukom im rukom iaid ki khun samla. Ish ba kane kein kata ka por ka jingkylla, Naduh ka jinglong jingman wat haka rukom shongkha.

2. Dangrit dangrit sha ka mon sha ka diang ki peit hangta,

Jingkylli haka jingmut uei ban tyrwa ban itynnad ia nga.

14-15 snem ki la sdang ban ieit ban don samla,

Hynrei pleng phewse kim pyrkhat bunsien pynban poi sha jingbakla.

chorus: Katba dang khlain dang biang ka rta jingim ym don ba khang,

Haka bakut kata ka por baroh ki iam ki kyang.

Suinbneng ba iong bla tap hangta ki iaid Ruma,

Dei da jingbymniewkor jingsneng i Mei i Pa.

3. Dei hangne kein ka imlang sahlang ka jot ka pra,

Dei namar ka jingim kwah brai ki khun samla.

Tang ban ioh pynsngewbha ialade kampher ki ong,

Kynmaw samla jingjynjar jingbabe hangta ka long.

chorus: Katba dang khlain dang biang ka rta jingim ym don ba khang,

Haka bakut kata ka por baroh ki iam ki kyang.

Suinbneng ba iong bla tap hangta ki iaid Ruma,

Dei da jingbymniewkor jingsneng i Mei i Pa.