رغيف النور

في فرن الطين والريح بتدور

خبّزنا رغيف بنكهة النور

ما قلناش لمين ولا فين حيروح

بس فرحه العين فيها حب مافيهاش جروح

مش لازم نملك دهب ولا مال

رغيف صغير كده علي اد الحال

يطمن القلب ويشبع الجعان

بيزرع محبة في قلوب محتاجه حنان

رغيفي ليك ورغيفك ليّا

نقسمه سوا بنية نقيّة

ما فيش غني ولا فيه فقير

بس اللي يحن اكترهو الأمير

يمكن لقمة تصون كرامة

ترد الروح وتحيي ندامة

ومن غير ولا حتي كلمه

نوصل خيرنا في سريه تامه

في بيت صغير بابه خشب

دخل الرغيف وشال التعب

ولقلب حزين كان منسي سنين

رجع الضيّ وعاش الحنين

يا رب دايمًا يكون في الطريق

قلوب تِخبّز حب ودقيق

وفي كل بيت شمعة بتنور

من رغيف خبز نضيف و مدور