ஆயிரம் ஜென்மம் எடுத்தாலும் - எங்கள்அன்னை தமிழீழ மண்ணே வேண்டும்!காயம்பட்ட நெஞ்சின் கதறல் கேட்டு - இங்குகண்ணீர் சிந்தும் கடலே சாட்சி! (ஆயிரம்...)செங்குருதி பாய்ந்த செம்மண்ணே - எங்கள்செவிகளில் ஒலிக்குது உன் ராகமே!வெந்து தணிந்த சாம்பலிலும் - இங்குவிழுந்து போகாதே தமிழின் மானமே! (ஆயிரம்...)வாடி நின்ற முல்லைக் கொடியே - உன்வாசம் தேடி அழையுது நெஞ்சமே!கூடுகலைந்த பறவைகளாய் - நாங்கள்கோடி தேசம் அலைகிறோம் தஞ்சமே!மண்ணில் புதைந்த மாவீரர் துயிலிடம் - எங்கள்மனதில் வாழும் நித்திய ஆலயம்!விண்ணைத் தாண்டி ஒலிக்குதே - எங்கள்வீரத் தமிழரின் விடுதலை கீதமே! (ஆயிரம்...)கண்ணில் தேக்கிய கனவுகள் கோடி - அதுகானல் நீராய் போகாது ஒருநாளும்!விண்ணில் எரியும் விண்மீன்கள் எல்லாம் - எங்கள்வீரர்களின் கண்கள் என மாறுமே!தாயின் மடியில் தலை சாய்க்கும் நாளை - தேடிதவமிருக்குது இந்த தமிழ் நெஞ்சமே!சாயாது எங்கள் தமிழ் கொடி - என்றும்சாவையும் வெல்லும் எங்கள் லட்சியமே! (ஆயிரம்...)
உயிரோடு எரியுது நெஞ்சக் கூடு - எங்கள்ஊமை அழுகைக்கு ஏது வீடு?நெருப்பில் கருகிய பிஞ்சு முகங்கள் - இன்னும்நெஞ்சில் அலறுது சாட்சிகள் சொல்லு !முள்ளிவாய்க்கால் கரையின் மேலே - எங்கள்முழுசாய் தொலைந்த உலகமே அங்கே! (உயிரோடு...)சொந்த மண்ணில் அகதியாய் நின்றோம் - கையில்சோற்றுக்கு இன்றி கண்ணீரைத் தின்றோம்!அள்ளி அணைக்க எவருமே இன்றி - அனாதைக்காடாய் அழுதது தமிழ் நெஞ்சமே! (உயிரோடு...)பறந்த குண்டுகள் பிரித்த உறவுகள் - தேடிப்பார்த்துக் குருடாய் போனது கண்கள்!மண்ணில் புதைந்த உடல்களை எண்ணி - இன்னும்மரண பயத்தில் நடுங்குது இரவுகள்!அம்மா என்றொரு அலறல் சத்தம் - அந்தஅலையில் மூழ்கியே போனதே இரத்தம்!சுமக்க முடியா பெருவலி சுமந்து - நாங்கள்சுடுகாட்டு சாம்பலாய் நிற்கிறோம் இன்று! (உயிரோடு...)காணாமல் போன பிள்ளையின் முகம் தேடி - இன்னும்கண்ணீரில் கரையும் தாயரின் வாசல்!மரணமே உனக்கும் ஈரமில்லையா? - எங்கள்மண்ணின் கதறல் கேட்கவில்லையா?உயிரற்ற கூடுகளாய் வாழ்கிறோம் நாங்கள் - ஆனால்உதிராது உள்ளே எரியும் தணல்கள்!மறக்காது இந்த வடுக்களின் வலி - என்றும்மாறாது எங்கள் விடியலின் வழி! (உயிரோடு...)
