ژیان کورتە

گایەک لە ئاسمان ناوی پەروینە

گایەکیش کۆڵەکەی ژێری زەمینە

بەچاووی ووردەوە سەرنجێ بدە

ما بەینی دووگا کەرگەل ببینە

کەر گەل ببینە

لە دڵتا داری خەفەت مەڕوێنە

کتێبی عیشق و هۆنراوە بخوێنە

مەی بنۆشە ، پیاڵەی پیابە

بەپیاڵەی مەی ڕیشەی دەربێنە

ڕیشەی دەربێنە

هاوڕێ قەت خەمی بەیانی مەخۆ

بەم تۆزە عومرە مەبە دەستخەڕۆ

ئەوانەی ئەژین پتر لە سەد ساڵ

وەک یەکەن لای من کۆتاییان ژێر گڵە

کۆتاییان ژێر گڵە

ئەوەی لە دونیا لەتێ نانی بوو

کەلاوە کۆنێ ئارامگای بوو

نۆکەری کەس نەبێ و کەس نۆکەری نەبێ

هەرئەو ژیاوە و هەر ئەو ژیانی بووە

هەر ئەو ژیانی بووە

با موڵکی تۆ بێ میسر و ڕۆم و چین

لەژێر پێتابێ سارای سەرزەمین

بەشی من و تۆ هەر وەک و یەکە

دەگەز کفنە و یەک دوو گەز زەمین

هەر دوو گەز زەمین