Canmaag, makamingaw

Sa Canmag ko nahimugso, sa bukid nagdako.

malinawon kaayo ang dapit, presko pirmi ang hangin bisag init

Bisan asa ko moadto, akong dughan gustong mobalik

Sa among gamay’ng baryo nga way sama ka-nindot ug kasadya

(Pre-Chorus)

Kay ang kahoy nag-sayaw-sayaw sa huyop sa hangin

Ang mga tawo nga maayo , mahigalaon ug matinabangon

Kung imo ning makita, di ka jud ganahan mo palayo

Kay ang kalinaw sa Canmag, dili nimo mapulihan bro

(Chorus)

Balik ko sa Canmag,

Sa yutang natawhan,

Nindot kaayo tan-awon ang bungtod nga berde

Ug ang katawhan nga mapahiyumon, mga way kakapoy nga masud-ong

Balik ko sa Canmag,

lugar nga akong gihigugma,

Bisan layo ko karon, akong kasingkasing

naghandum ug pagbalik perme sa mga kahoy nga landong ug malinawon nga dapit

(Verse 2)

Nakahinumdom ko sauna, magdula sa kabasakan

Mubaklay sa lapok nga dalan, pakapin pa’g katawa nga walay katapusan

Sa buntag naa’y yamog nga mabugnaw

Sa gabii ang mga aninipot mag siga-siga sa kahoy nga tugas imong malantaw

(Pre-Chorus)

Ug ang adlaw mosubang sa tumoy sa bukid

Murag nagpahiyom ang kalibutan, mora’g wala’y problema bisag gamay

Mao nga karon nga layo ko, pirme ko mag-handum

Nga makapanaw ug balik sa akong dapit nga malinawon

(Chorus)

Balik ko sa Canmag, oy… (repeat as needed)

(Bridge)

Reggae vibe ta diri, bay

Paminaw sa beat, feel the farmland way

Bisag layo ra ka, your heart will stay

Sa Canmag nga imong paradise everyday

(Outro)

Canmag, akong yuta, akong puloy-anan

Dapit nga akong dangpan, akong kalipay

Dili gyud nimo mapulihan

Kay sa akong kasingkasing, ikaw ra ang Kanunay.

Canmag, loon, bohol!!!