Bituin sa dilim

Verse 1

Dahan-dahang lumilipas ang oras,

Sa gitna ng isla, aking minahal

Ang katahimikang taglay ng gabi.

Dito ko rin natikman ang saya ng nag-iisa,

Kuliglig ang musika sa aking tenga,

Sa lalim ng gabi, aking nadama

Ang gaan ng aking damdamin.

Verse 2

Simpleng bagay, nagbibigay-buhay sa tao,

Hindi kailangan ng kasama para lumigaya.

Sa aking pag-iisa, aking natuklasan

Ang tunay na tagumpay.

Ang isip ko’y lumalaya

Sa bawat titig sa kislap ng tala.

Chorus

Pikit ang aking mga mata,

Puso ko’y nagpapahinga,

Buong katawan ko’y parang

Nakalutang sa alapaap,

Marahil dahil sa ganda

Ng bituin sa dilim.

Bridge

Kapayapaan sa gitna ng isla,

Ang ihip ng hangin, may dalang bagong lakas,

Sumasayaw ang mga dahon

Sa awit ng mga ibon.

Refrain / Outro

Kay sarap mag-isa sa ilalim ng mga bituin,

Kay sarap tumitig sa kalawakang walang wakas.