Untitled

जय देवी जय देवी जय नवदुर्गे माते ।

महिषासुरमर्दिनी रक्षी भक्तांते ॥ धृ० ॥

जुवारीच्या तटी तुझे सुंदर सदन ।

सिद्धनाथाच्या चरणी तुझे हे नमन ।

कार्तिकी पौर्णिमेचा जत्रोत्सव थोर ।

भक्तीचा सागर लोटे, अलोट हा पूर ॥ जय देवी० ॥ १ ॥

चतुर्भुज रूप तुझे, कांती सावळी ।

अभय देऊनी रक्षी, भक्तां सांभाळी ।

सिध्दनाथ डोंगर देई, तुजला साथ ।

भक्तावरी, सदा तुझा हात ॥ जय देवी० ॥ २ ॥

सिद्धेश्वर, गोपाळकृष्ण आणि साईंचे दर्शन ।

स्वामी जगन्नाथ बुवा झाले, तुझ्या चरणी लीन।

पावित्र्य या भूमीचे, करी धन्य मन ।

अगाध तुझी कीर्ती, अनुपम तुझी सीमा ॥ जय देवी० ॥ ३ ॥

दु:ख कष्ट निवारी, देवी नवदुर्गे ।

सुख शांती देई आम्हा, तुझ्याच मार्गे ।

शरण आलो आई, चरणी तुझ्या आता ।

उदोजयकार असो, तुझा जगन्माता ॥ जय देवी० ॥ ४ ॥

जय देवी जय देवी जय बोरीच्या माते ।

महिषासुरमर्दिनी रक्षी भक्तांते ॥