Gətirmisən

Sən öz gəlişinlə sanki ömrümə,

Kəlməsi cilalı söz gətirmisən,

Həsrətin qışında ruhu üşüyən

Bu qıza od-ocaq, köz gətirmisən

Xatirəsi əziz ötən hər anın,

Səni eşqim bilim ürəyim sanım,

Nə qədər həsrətdə alışım yanım..,

Mənə sevgi dolu göz gətirmisən .

Səhərin havası köksümə doldu,

Sənsiz könül dünyam çiçəktək soldu,

Gəldiyin çığırdı,getdiyin yoldu,

Yollara sevgini düz, gətirmisən

Gəlişin sevincdi gedişin kədər,

Yaşadım bu ömrü hədərdən-hədər,

Gözümdə sevincdin, qəlbimdə qəhər ,

Ayrılıq şərbətin süz,gətirmisən