كلميني

كلّـميني الساعة واحدة

طمّـنيني ع الغياب

احكـيلي عن كل اللي عدى

وقولي إن المُرّ فات

ذكّـريني باللي بِنـا

ومهما أنسى، فَكّريني

يا حبيبتي، الدنيا جنة

وانتي جنبي... في نِن عيني

شوّفي فيّـا، وشوفي ليّا

حلّ عشان أقدر أعيش

وأبقى عايش عمري عادي

وانتي عادي ما توحَشنيش

كلّـميني الساعة واحدة

طمّـنيني ع الغياب

احكـيلي عن كل اللي عدى

وقولي إن المُرّ فات

وابعتِيلي جواب يريّـح

واعتِـبي عليا بحنين

هو مين كان استريّح؟

في البعاد... قوليلي مين؟

مش بإيدِك تبقي ساندَه

والحياة على طول معاندَه

مرة نسمة... ومرة جاحده

عمرها أبدًا ما تهدَى

إلا لو تِكلّـميني الساعة واحدة

بعد ما كل الناس تنام

أطمنِك إنك مشيتي

لكن مازلتي في الأحلام