Untitled

ደቂ ክልተ ኣሕዋት ሓንቲ ዝቋንቋና

ብሰንኪ ፀላእቲ በበይንና ኮይና

ሎምስ ልቢ ንግበር ንኩን ከም ቀደምና

ሎምስ ልቢ ንግበር ንኩን ከም ቀደምና

ኣብቲ ሕሉፍ ኢዋን ዕሸላት ተለና

ሓቢርና በሊዕና ሓቢርና ሰቲና

ሓቢርና ተፃዊትና ብንፁህ ልብና

ብዘይ ኣፈላላይ ገዛኩም ገዛና

ዕድመይና ኣኪሉ ዓቅመ ኣዳም ምስበፅሐ

ፍቅርና ዓቢቡ ፍርያት ምስ በዝሐ

ህዝቢ እሰይ ኢሉ ኢዱ ምስ ዘርገሐ

ሸጣን ቅልቅል ኢሉ ንስልጣኑ ዝፈርሐ

ደቂ ክልተ ኣሕዋት ሓቢሮም ከይመክሩ

ኣብ መንጎ ኣትዩ ተኮላት ቀቢሩ

ንክባታተኑ ሓቢሮም ከይነብሩ

ሐደ ልቢ ኮይኖም ሓይሊ ከይፈጥሩ

ንታሓደ ሓዉ ካብቲ ሓደ ሓዉ ኣብሊፁ

ዘይባሃል እናበለ ንኩሉ ከምከም ገፁ

ሕማቅ ንክሓስቡ ንክባኣሱ ንቃፀፁ

መረብ ምላሽ ኢሉ መሬቶም ቆሪፁ

ዝገደፎ መርዚ መድሀኒት ተሲኢኑሉ

ኣሕዋት ማዕዶ ኮኖም በቢበይኖም ይውዕሉ

ማዝኮን ይከውን እንራከበሉ

ብሓሳብ ብተግባር ሓደ ንኮነሉ

እወ ክልተ ኣሕዋት ዳርጋ ሓንቲ እኖና

ንሓደ ዓላማ ሓቢርና ወዲቅና

ንሞት ኣሸኒፍና ዓወት ምስዓተርና

ኣብ ክንዲ ንሓብር በበይንና ኮይና

ፀላኢ ይሕጎስ ለዋህ ግን ይሐዝን

እወ ለባም ተሳኢኑ ፀፅቡቁ ዝመዝን

ንዓይ ጥራሕ ዝብል ንህዝቡ ዘይሓዝን

ኩሉ ሓደ ኮይኑ ፍዙዝን ድንዙዝን

ሎሙስ ልቢ ንግበር ንኩን ከምቀደምና

ኩልና ኣይከሰብናን በበይንና መኪርና

ፀላእትና ነጥፋእ ኢድን ጏንትን ኮይና

መፃኢና ንክፅብቅ ሀዚ ንሰርሕ ሓቢርና::