Bagong Pilipinas ni BBM

Bagong Pilipinas, 'yan daw ang sigaw,

Pero sa kalsada, may bangkay na naman, wow!

Mga bata takot, may baril sa eskinita,

Habang ang pangako ay puro salita.

Krimen sa kanan, korapsyon sa kaliwa,

Pag tanong ka’t kumibo, baka ika’y mawala.

Kaliwa’t kanan ang gulo, parang pelikula,

Pero walang bida, lahat tayo kontrabida.

Bagong Pilipinas? Edi wow talaga!

Para kang nanalo pero laging talo sa dulo.

Bagong pag-asa daw, pero saan dinala?

Kung kaliwa’t kanan naman ay puro gulo.

Sa taas ng pwesto, puro drama’t selfie,

Pero sa baba, gutom ang pamilya sa jeepney.

May bagong slogan, may bagong bandera,

Pero ang katarungan, laging wala sa eksena.

‘Pag mahirap, kulong. ‘Pag mayaman, lusot.

‘Pag totoo ka, ikaw pa ang inaabot.

Kaliwa’t kanan ang ingay ng sirena,

Pero walang dumarating pag ika’y may problema.

Bagong Pilipinas? Parang luma lang din!

Pare-pareho lang, binago lang ang skin.

Bagong pag-asa raw, pero nagdilim—

Kaliwa’t kanan ang gulo’t panaginip ay mas grim.

O, Pilipinas kong mahal, kailan ka magigising?

Sa dilim ng gabi, may apoy pa bang kayang sindihan?

Kaliwa’t kanan man ang gulo ngayon,

Sana sa puso mo’y may rebolusyong totoo.