Untitled

ما كنت أصدق

عمري اللي فات انا عشته ليك---- -ولا مره حاجه غليت عليك

لكن قريت هجر ف عينك -------والقسوه بردو بانت عليك

ولا عمري تاني حاابكي عليك ---------بعد اللي شفته ايه تاني فيك

و ان كان في لوم فاللوم عليك -------بعد اما حبي ضاع بين ايديك

--------------------------------

في اول طريق مليان ألام سمعتني احلي كلام ------علمتني ازاي لما احب ما اغدر في يوم زي الزمان

و بعد ما سقتني الحنان بغنوه حلوه عا اللسان------بردو ورتني الهوان و الحب ضاع و كلام زمان

و ما كنت أصدق و مهما كان ان اللي علمني الحنان ------بعمايله خلي قلبي هان و خلي هجري لقلبه بان

و لا عمري تاني حاابكي عليك ------بعد اللي شفته ايه تاني فيك

و إن كان في لوم فا اللوم عليك ------بعد اما حبي ضاع بين ايديك

-----------------------------

عشمتني بكل الآمال و قلت لي ما في شئ محال -----عيشتني الحب في خيال و كتير معاك ياما قلبي داب

و صبرت ياما و صبري طال و برضه شاري و حالي حال -----لكن حنانه راح لما غاب و غدر قلبه ما في مره تاب

و ما كنت اصدق بختي انه مال و العين بكاها علي الخد سال------ -و إني اللي وراني العذاب حييجي يوم اسقيه عذاب

ولا عمري تاني حاابكي عليك------- -بعد اللي شفته ايه تاني فيك

و إن كان في لوم فا اللوم عليك -------بعد اما حبي ضاع بين ايديك

-------------------------------------

و بعد كل اللي جري وياك و عشته و انقضي--- -حتقولي هجرك شيء مش بيدك و دا كان نصيب عدي و مضي

و فاكرني تاني حا اصدقك أو حتي برضه حا اسمعك----ولا عاوزني افكرك باللي جري و كان ما بينا و انقضي

و ما كنت أصدق إن اللي خان بالقلب مره و اللسان ----حييجي يوم و يبان كده بالاصل ده و الغدر ده

و لا عمري تاني حاابكي عليك---- -بعد اللي شفته ايه تاني فيك

و ان كان في لوم فا اللوم عليك ------بعد اما حبي ضاع بين ايديك