ቐለም ንእስነተይKEBI RASTA

ቐለም ንእስነተይ✍️KEBI RASTA

ኣብቲ ናይ ንእስነት፡ ብሩህ መዓልትታት

ሰላም ዘይፍለዮ፡ ልበና ዝፀረ ዕርክነት

........ብቐለም ሕልምታት፡ ንዓለም ዝሰኣንኩዎ

........ኩሉ ዝከኣል መሲሉ፡ ዝተመነኹዎ።

ከም ጽባሕ ንጉሆ፡ ኩሉ ግዜ ሓዲሽ

ንእስነት ነይሩ፡ ህይወት ዘሐደሽ።

........ቐለም ንእስነተይ፡ ብሩህ ተስፋይ

........ዘይርሳዕ ታሪኽ፡ ናይቲ ሕሉፍ ግዜይ

ከም ጽባቐ ዕምባባ፡ ኣብ ወቕቲ ክራማት

ንእስነት ነይሩ፡ መቐረት ህይወት።

........(ኦ... ቐለም ንእስነተይ...

........ቐለም ንእስነተይ)

ከይተረደኣኒ፡ ግዜ ተሳጊሩ

እቲ ብሩህ ቐለም፡ ሎሚ ተቐይሩ

........ግን ታሪኹ ይነብር፡ ኣብ ውሽጢ ልብይ

........መዘከርታ ኮይኑ፡ ናይቲ ንእስነተይ።

ዘይጥለም እምነት፡ ዘይርሳዕ ጫወታ

ንእስነት ነይሩ፡ ናይ ህይወት ፍሽክታ።

........ግዜ እንተሓለፈ፡ ዓመታት እንተነጎደ

........እቲ ናይ ንእስነት ቐለም፡ ኣይርሳዕን ከቶ።

ፉፁም ዘይሓስስ ነባሪ ንዘላእለም

ሕያው ኮይኑ ዝነብር በሪሁ ኣብዛ ዓለም።

........ኣብ ዛንታይ ኣሎ፡ ኩሉ ግዜ የንፅባርቕ

........ከም ንጹህ ወርቂ፡ ኣብ ልብይ ይደምቕ።

ቐለም ንእስነተይ፡ ብሩህ ምንባረይ

ዘይርሳዕ ታሪኽ፡ ናይቲ ሕሉፍ ዘመነይ።

........ኣይርሳዕን እዩ...

........ቐለም ንእስነት

ኣብ ልብይ ይነብር...

ንዘለኣለም ታሪካዊ ኮይኑ።