KON AKO MAHIGUGMA

KON AKO MAHIGUGMA

Kon ako maghihigugma

Tangkod an akon ungara

Adton diri ako paglilimbongan

Bisan harayo ako diri liliwanan.

Kon ako maghihigugma

Bisan diri mabaysay an hitsura

Basta an kasingkasing masuna

Sa mata an pagtapod makikita.

Kon ako maghihigugma

Diri makakawang kay uunongan

Maskin bulawan di ko igliliwan

Kay an ungod nga gugma aada sa dughan.

Ikaw sangkay kon maghigugma

Nano man dawla an imo ungara

Maruruyag ka bisan siya mabara

Waray kwarta ngan edukasyon nga nakuha.

Nano dawla kay inin paghigugma

Danay diri basihan an hitsura

Natapod sa pulong nga mabaysay

Kundi ngay-an nawawara la sin tibway.

Kon kamo maghihigugma

Klaroha ngan santopa

Bangin ikaw magsala

Diri makalikay sa buwa.

Kay ano dawla kay may ada

Mga tawo nga an gugma

Nahihimo nga pagtiniawan la

Waray labot bisan nakasuol na sira.

Sanglit sangkay ino-inoha

Diri la makanapulo isipa

Basi mahibaro bgan masayoran ka

Kon ungod ba an gin pupulong niya nga gugma.