የኔ ስጦታ

አንደ ሜሮን ቅባት ፣

      በአናቴ ፈሰሽ ፣

            ገነት እንድገባ ፤

በ ስምሽ ልጠመቅ ፣

            ልቁረብ ፥ ንስሐ ልግባ ፤

አዲስ ህይወት ፣ አዲስ ተስፋ ፤

ብሩህ አለም ፣ ከ ሰማይ የሰፋ ፤

ተሰጥቶኛል ከላይ !

የ እግዜር እጅ አለበት ፣  ሁሌም ዕድሌ ላይ ።

አንቺ የማህሌት እጣን ፣

      የ እየሩሳሌም ጠበል ፤

አንቺን እንዲሰጠኝ ፣

በምን ቋንቋ ልሳል ? ፣

           ስለማንትስ ልበል ? ፤

የት ደብር ልሳልሽ? ፣ የት ገዳም ልመንን ፤

ህልሜ እኝዲሆን እውን ፤

አዲስ ህይወት ፣ አዲስ ተስፋ ፤

ብሩህ አለም ፣ ከ ሰማይ የሰፋ ፤

ተሰጥቶኛል ከላይ ! 

የ እግዜር እጅ አለበት ፣  ሁሌም ዕድሌ ላይ ።

ብሳልሽ ባስስሽ ፣ ቢጠቁርልሽ መልኬ ፤

ከፈጠረኝ ውጪ ፣ ማን ያቅና ልኬን ?

ትቆያለች እንጂ ፣ ፀሐይ ትወጣለች ፤

አንቺ ያለሽባት ፣

ጨልሞ አይቀረም ፤ ነገ ትመጣለች ፤

ታምኜ ለህልሜ !

ነገን ሄጄ ባያት ፤ በ ምናብ ተልኬ ፤

አዲስ ህይወት አየሁ ፣ ልክሽ ሆኖ ልኬ።

አዲስ ህይወት ፣ አዲስ ተስፋ ፤

ብሩህ አለም ፣ ከ ሰማይ የሰፋ ፤

ተሰጥቶኛል ከላይ ! 

የ እግዜር እጅ አለበት ፣  ሁሌም ዕድሌ ላይ ።