Mii Thunersee

I bi wider hie

am mim Tuunersee

Stiuue Morgäschimmer

glitzeretmi zärtlech a

D’Bärge stöh wie grossi Wächter

Si luege abe uf mi, si schütze mii

U mini Sehnsucht nach dir.

So verliereni mis Härz

jede Morge nonesmau

Oh Tuunersee

Mini Liebi

Mini Ruä

Du bisch mis Wunder

E stilli Magii

U we d’Sunne dr’Gipfu vergoudet

Weiss ig genau

I ha mis Dahei gfungä da bi diir

Ohhh mii Tuunersee

We zAupeglüje brönnt

Füürrot überem Grat

Unes spieglet sich im See

Es lüchtet sanft ou im Schnee

Dr letschti Wind

Di letschti warmi Brise

U i chüschälä lisli: “Gäu du vergissisch mi nie”

Oh Tuunersee

Mini Liebi

Mini Rueh

Du bisch mis Wunder

ä stilli Magii

U we d’Sunne drGipfu vergoldet

Weiss ig genau

I ha mis Dahei gfungä da bi diir

Ohhh mii Tuunersee

Zwüsche Eyger, Mönch u Jungfrou,

Niesä und ar Blümlisaub

Liggt dini Wiägä

So friedlich

So stiuu u sanft

We mir d’Wäut wieder z’lut wird drumum

Chum ig eifach nume zu dir,

U de weissi aues wird stumm

Oh Tuunersee

Mini Liebi,

mini Rueh

Du bisch mis Wunder

E stilli Magii

We d’Stärne am himmu für mi blibe staa

Weiss ig genau

I wott für immer hie blibä da bi diir

mii gliebti Tuunersee

Oh mii Tuunersee