Untitled

❝Kung Maibabalik Lang❞

Verse 1:

Yung maraming sana, na hindi na maibalik pa

Panahong ang laruan ay tansan, ang mundo’y payapa

Simpleng bagay lang, sapat na sa ligaya

Basta’t magkakasama — ako, si Nanay, si Tatay, at mga kapatid kong mahalaga

Verse 2:

Walang perang nakatago, walang bagong kasangkapan

Pero bawat hapunan, may kwento’t kasayahan

Ngayo’y tahimik na ang lumang tahanan

At ang mga tawa’y alaala na lang sa isipan

Chorus:

Kung maibabalik lang, ang puso naming bata pa

Na kahit magtampuhan, saglit lang, maya-maya’y masaya

Ngayon, kanya-kanya na, may lamat na ang ugnayan

Pamilya pa rin ba kung bihira nang magkamustahan?

Verse 3:

Ako’y ulila na, wala na si Inay, wala na si Itay

Tahimik ang gabi, tahimik pati ang ugnayan

Ang mga kapatid, may sari-sariling daan

Minsan di na magkasundo, kahit sa simpleng usapan

Bridge:

Sana’y maalala, hindi habangbuhay ang lahat

Ang oras ay lilipas, alaala’y maglalakad

At kung puso natin ay tulad ng dati

Na konting iyak lang, ay susundan ng tawanan muli

Final Chorus:

Kung maibabalik lang ang panahong kay gaan

Baka ngayo’y buo pa rin, kahit may kulang sa tahanan

Pagmamahal sana ang manatili sa gitna ng lamat

Dahil ang pamilya, kahit nasaktan — ay pamilya pa rin dapat

Outro:

Kung maibabalik lang…

Kumpleto ang pamilya

At may unawaan