Limang taon

Noong una tayong nagtagpo,

Walang salita, pero ramdam ang sigaw ng puso

Babae sa babae—sabi nila, mali

Pero sa’yong mga mata, doon ako naging buo muli

Nag-umpisa sa isang mensahe sa Facebook lang

Sa gitna ng pandemya, puso ko’y nabigyang saysay

Tahimik ang paligid pero tayo’y maingay

Sa tawanan, sa luha, sa lihim na yakap sa taglay

Sa kabila ng mundo, pinili pa rin kita

Lahat ng laban, sinugal para sa ‘ting dalawa

Limang taon man lang sa oras ng iba

Pero sa atin, isang habangbuhay na walang dulo’t simula

Sinong nagsabing hindi totoo ang ganitong pag-ibig?

Kada hawak ng kamay mo, lahat ng duda’y napapatid

Lumalaban tayo kahit mahirap ipakita

Dahil bawat halik mo, tahanan ang nadarama

Nicole, pangalan mong binubuo ang tula

Sa bawat “kamusta,” may damdaming umaapaw na

Hindi tayo perpekto, pero buo

Dahil ikaw ang pumili sa’kin—kahit babae ako

Sa kabila ng mundo, pinili pa rin kita

Lahat ng laban, sinugal para sa ‘ting dalawa

Limang taon man lang sa oras ng iba

Pero sa atin, isang habangbuhay na walang dulo’t simula

Sa lahat ng tanong ng mundo, ikaw ang sagot ko

Sa mata ng pagdududa, ikaw ang totoo

At kahit ilang taon pa ang dumaan…

Babae ka man, babae rin ako—pero sa puso natin, walang mali sa pag-ibig na to.