عيوني مشتاقة لك

على ذاك الطريق اللي بذاك اليوم مريته

انا قاعد ومستني متى يازين تمرينه

متى عيني تشوف عينك متى قلبي تداوينه

متى يدي على يدك تذيب البعد وسنينه

يمر الكل ومتسائل كثير ياناس حبيته

تمر وجوه وتغادر وتوقيتي على عينه

وقفت اسال شفتونه؟ وأخباره سواليفه

يرد الليل ياهذا ويطعني بسكينه

الا يا وقت ماترحم انا احبه وبغيته

الا يا لليل ماترحل وتشرق وجه مغلينه

اشم عطرك على كفي وعلى اطلال مريته

وحتى الورد يسالني متى يازين تمرينه

انا احبك وحيل اهواك سنين العمر اهديته

وانا مشتاق وحيل مشتاق متى ارضي تزورينه

الك كوني وتكويني نظر عيني أعطيته

بس احلم واتدللل وقول نفسك وتمنيته

تبين الشمس أهديها يسار خدك ويمينه

تبين الشعر اكتبلك لين تخلص دواوينه

ابيك وردة على ارضي حنان وحب اسقيته

جذورك تحتضن صدري واغصانك وشراينه