مكسور صوت الحقيقة

مَكسُورِ صُوتِ الحَقيقَه

في دُنيا مَلهَاشْ ضَميرْ

وِالكِلمَه في بْحور غَريقَه

صَدَاه‍ا مَسجُونْ أَسيرْ

آه يا وَطَنْ أحْزاني

ضَيَّعتِ فِيك عِنوَانِي

وِالعُمْرِ مَا فِيه أَماني

وَلاَ حتَّى حُلمِ صغِيرْ

خَايِفْ تِطُولِ العَتمَه

وِالشَّمسِ مَا تَطْلَعْشِي

وِتْضِيعِ مِنَّا الحِكْمَه

بِينْ نَاسِ مَا تِفْهِمْشِي

مَا فِيش أَمَلْ قُدَّامي

ينَوَّرلي لِيلْ أَحلاَمِي

مَاشي الطّريقْ وَاوْهامِي

قُدّامْ عُيُوني تِمشِي

خُذْني يَا عُمري اللّي بَاقِي

عَدّينِي جِسْرِ الجِراحْ

وِاعْزِفْ عَلَى أَشوَاقِي

مَوَّالْ لِنُورٍ الصَّباحْ

مُشْتاقْ لِعَالمْ جَدِيدْ

مُحْتَاجِ أَرجَعْ وَلِيدْ

أَعيشْ حَيَاتِي سَعيدْ

في دُنيَا مِ الأَفرَاحْ