Bawal

Magulo ang isipan

Nalilito kung pasa-saan

Nakaharap sa pahina

Hanggang sa masilayan ang iyong mukha

Maliwanag ang ningning ng mga mata

Animo'y tala sa kalawakan

Ngiti mong nakakabighani

Yari marahil ay nahulog na

Tinatanong sa isipan

Hanggang tingin nalang ba?

Hanggang kaibigan nalang ba?

Hindi na ba kayang umusad pa?

Pinagmamasdan ka sa malayuan

Tinatanaw kahit na bawal

Ngunit puso ay di mapigilan

Tanawin ang katulad mong isang buwan

Sa paglipas ng panahon

Hindi parin makaahon

Alam kong bawal, alam kong mali

Ngunit sa lahat ng bawal at mali, ikaw ang hindi ko pagsisihan sa huli

Hindi na muling tatanungin ang isipan

Alam kong hanggang tingin nalang

Alam kong hanggang kaibigan nalang

Alam kong hindi na uusad pa

Pagmamasdan ka nalang sa malayuan

Tatanawin kahit na bawal

Pipigilan ang puso

Na umibig sa "aking buwan"