Strophe 1
Vor viune Jahre het d'Liebi mi is Bärner Oberland gfüehrt. Miteme Rucksack vou Träum u emene Härz, wo so viu Hoffnig gspürt.
I ha Stei für Stei uf mi gnoh, mis Läbe neu ufbout.Useme Frömde ort isch es Dehei worde,wo mini
Seeu...het chõne vertroue.
Pre-Chorus
Doch dr Wäg isch nid nume Sunneschin,es het Räge, Sturm u Schnee.Jedi Narbe het üs öppis glehrt,mir si eifach hie blibe u hei auem
üse rügge zeigt.
...U das immer u immer wider
Refrain
Mir wärde niemaus broche dür üsi Sorge, Gäud u Chummer.Mir stöh zäme. Immer wieder... Summer für Summer.
Was üs nid i d'Chnöi zwingt,macht üsi Liebi nume stercher.Was o immer no chunnt,mir trage d'Wält – zäme... u das Tag für Tag.
Mir löh üs nid bräche,mir löh üs nid allei.Solang mir zäme stöh,cha cho, was wott cho.
Strophe 2
Es het Türe gä, wo zue si gsi,u Brügge, wo verbroche si.Es het Nächt gä ohni Antworte, u Morge voll vo nid wüsse was chunt
Mir hei glachet, mir hei tränne vergosse,hei mängisch fasch verlore.Doch jedi steili Kurve het üs zeigt,wofür mir ... gebohre si.
Gitarren-Solo
(Gitarreriff über Boogie-Piano. Bass lauft. Drums spiele mächtigi Fills. Paukeschläg bringe d'Spannig wieder ufe.)
Bridge
Lueg zrügg – was mir hei gschafft?Jede Schritt het üs verbunge...Jedi Träne het üs Platz gmacht für die schönschte Stunde.
Es geit nid um Perfektion,es geit drum, nie elei müesse z'si.Mit dir chame jedi lascht trage,
... egau wi schwär die isch.
Refrain (gross)
Mir wärde niemaus broche dür üsi Sorge, Gäud u Chummer.Mir stöh zäme,immer wieder... Summer für Summer.
Was üs nid i d'Chnöi zwingt,macht üsi Liebi nume stercher.Was o immer no chunnt,mir trage d'Wäut – zäme... u das Hand i Hand.
Outro
S'Bärner Oberland isch mis Dehei,nume mit dir a minere Site.Solang üsi Härze no schlöh,git's für üs keis ufgähmeh.
... u das ou Winter für Winter
Was o immer no chunnt...mir stöh zämä.Mir gä nid uf.Mir si zäme... bis as ändi vo dere Wäut.
bis as ändi
... vo dere Wäut.
